Serokwezîra Îngilîstanê Theresa May, ji bo roja 8'ê Hezîranê hilbijartina pêşwext were kirin, bang kir. Ji bo biryar li ser lidarxisitna hilbijartinê were dayîn, pêwîste du ji sê parên Kamara Avam vê yekê erê bike.
Theresa May li pêşiya avahiya Serokwezaretiyê daxuyaniyek da rojnamevanan û bal kişand ser nêrînên cihê yên li ser pêvajoya Brexîtê. May got, "Yekane rêya pêkanîna îstiqrarê, ev hilbijartin e."
May helwesta partiyên din a li ser pêvajoya derketina ji nava Yekîtiya Ewropayê rexne kir û got, "Eger em vê hilbijartina giştî niha nekin, wê lîstikên siyasî dewam bikin."
Serokwezîr Davîd Cameron piştî referandûma Brexîtê ya par îstifa kiribû û May li şûna wî dest bi wezîfeyê kiribû. May beriya niha timî digot, ku ew ê hilbijartina pêşwext neke.
May dabû xuyakirin, ku ew ê mîna hatiye plankirin, hilbijartinê di sala 2020'an de pêk bînin.
