Nûnerên Fransa, Keyîtiya Yekbûyî, Swêd, Polonya û Hollandayê di serdana Pekînê de daxuyaniyeke hevpar dan û bang li Rûsyayê kirin ku bila Behrvanên Ûkraynayê berdin û keştiyên desteserkirî teslîm bikin.

Dîplomatan ji ber aloziya li Tengava Kerçê fikarên xwe diyar kirin û xwestin ku derbasbûna ji Tengava Kerçê bila dîsa were pêkanîn. Dîplomatan bal kişandin ser serxwebûn û serweriya Ûkraynayê ya di sînorên navneteweyî de tê qebûlkirin.

Tê payîn ku Konseya Ewlehiyê ya Neteweyên Yekbûyî jî li ser banga Rûsya û Ûkraynayê bicive.

Serokê Konseya Ewrûpayê Donald Tûsk mudaxeleya Rûsyayê ya li Behra Azovê ya li dijî keştiyên Ûkraynayê şermezar kir.