Li gorî daxuyaniya artêşa Ûkraynayê, helîkoptera leşkerî li cihekî nêzî komuna Malînîvka ya li nêzî bajarê Kramatorskê ketiye. Hat ragihandin, 5 kesan jiyana xwe ji dest dane, ku 3 jê personelên helîkopterê bûn.

Artêşa Ûkraynayê îdîa kir, ku helîkopter ji ber qezayê ketiye. Ji ber ku helîkoptera bi tîpa Mî-2 li cihekî nêzî herêma di kontrola serhildêrên Rûs de ye ket xwarê, gumana li ser êrîşê zêde kir.

Ji Nîsana 2014'an û vir ve di navbera yekîneyên alîgirê Rûsyayê û artêşa Ûkraynayê de şer diqewime. Heta niha zêdeyî 10 hezar kesî jiyana xwe ji dest dane.