Di dîmenên ku ji aliyê weşana giştî ya Japonya NHK’ê ve hat weşandin de, tê dîtin ku di 2’yê Çileyê roja Sêşemê de li balafirgeha Tokyo-Hanedayê agir bi pîsta balafireke rêwiyan a Japon Aîrlînesê dikeve.
Berdevkekî rêhewayê ji NHK'ê re axivî û diyar kir ku 367 rêwiyên balafirê û 12 personel hatine tehliyekirin.
Li aliyê din di balafira Ewlekariya Peravê de ku tê îdîakirin balafira rêwiyan lê qelibiye 6 kes hebûn. Li gorî NHK'ê yek ji wan kesan hatî rizgarkirin, lê aqûbeta 5 kesên din nayê zanîn.
Di dîmenên kurt ên li gorî dema herêmê saet di 17:47'an de hatin kişandin de tê dîtin ku balafir ji pîstê dadikeve û piştî teqînekê hêdî dibe û pêl bi pêl dihêle.
Li gorî Japonya Aîrlînesê, piştî balafir dadikeve balafirgeha Tokyo-Hanedayê li ‘balafireke ku xuya dike ya ewlekariya peravê ye’ diqelibe.
Rayedarekî ewlekariya peravê yê li balafirgeha Tokyo-Hanedayê ji AFP'ê re axivî û got, "Ne diyar e bê balafir li hev qelibîne yan na. Lê tişta teqez ew e ku balafira me ketiye nava bûyerê.”
Berdevkekî balafirgeha Tokyoyê ragihand ku, dema agirkujan hewl dan şewatan vemirînin, hemû rêyên balafirgehê hatine girtin.
Tokyo-Haneda yek ji du balafirgehên navneteweyî yên li paytexta Japonyayê ye û di nava balafirgehên herî qelebalix ên cîhanê de ye. Li Japonyayê bûyerên qezayên balafiran kêm car rû didin.
Ji van a herî giran di sala 1985'an de dema balafireke Japonya Aîrlînes di navbera Tokyo û Osaka de ket xwarê û di encamê de 520 kesan mirin. Ev bûyer weke yek ji xerabtirîn karesatên hewayê yên li cîhanê derbasî dîrokê bû.