Operasyona leşkerî di 24’ê Sibatê de hatibû destpêkirin. Artêşa Rûsyayê bi şev li duyemîn bajarê herî mezin ê Xarkovê hêz daxistin qadê. Li vî bajarê rojhilatê welat şer diqewimin. Artêşa Ukraynayê diyar kir ku cihên niştecihbûnê û avahiyên îdarî jî hatine bombebarankirin.

Artêşa Rûsyayê li bendera Marîûpolê ya li başûrê rojhilat jî operasyonek li dar xist û di encamê de elektrîk qut bû.

LI KIEVÊ BIRCA TELEVIZYONÊ HAT XISTIN

Li paytext Kîevê li birca televizyonê xistin û weşan ji bo demekê qut bû. Artêşa Rûsyayê hin hêzên xwe li derdora Kîevê kom dike. Wêneyên satelîtê nîşan didin ku li ser xeteke 60 kîlometreyî ku 25 kîlometre dûrî bajêr e, baregeheke leşkerî ya mezin heye. Li gorî Pentagonê, pêşveçûna Rûsyayê ber bi Kîevê ve niha di "nuqteya mirî" de ye.

ARTÊŞA RÛSYA: ME XERSON XISTE BIN KONTROLA XWE

Rûsyayê jî ragihand ku wan bajarê bendera Xersonê ya li başûrê welat bi dest xistiye. Artêşa Rûsyayê got, "Yekîneyên artêşa Rûsyayê paytexta herêmê Xerson bi temamî xistin bin kontrola xwe." Lêbelê, şêwirmendê Serokê Ukraynayê Volodîmîr Zelenskî ragihand ku Xerson neketiye û şer berdewam dike.

TÊ ÎDIAKIRIN KU BI HEZARAN SIVÎL MIRINE

Li gorî rayedarên Ukraynayê ji destpêka operasyonê heta niha zêdetirî 350 sivîl mirine. Lêbelê, di daxuyaniya ku ji hêla servîsa lezgînê ve hatî dayîn de, bi sedan avahî, ku di nav wan de dezgehên veguhestinê, nexweşxane, baxçeyê zarokan û xanî jî hene, hatine hilweşandin û zêdetirî 2000 sivîl hatin kuştin.

CEZAYÊN PÊKANÎNÊ

Cezayên ji eniya rojava berdewam dikin. Şîrketa petrolê ya Emerîkî ExxonMobîl ragihand ku ew gav bi gav ji zeviya petrolê ya mezin a Rûsyayê ku kar dike vedikişin û êdî naxwaze li wî welatî veberhênanê bike.

Prosedora îflasê wê ji bo şaxeya sereke ya banka herî mezin a Rûsyayê Sberbank a li Ewropayê, ku ji ber cezayên darayî lewaz bûye, were destpêkirin.

Koma hîdrokarbonê ya Îtalî Enî plan dike ku ji sedî 50 parên xwe yên xeta boriya gazê ya Mavî Akim’ê ku bi şîrketa Rûsî Gazprom re jî kontrol dike û Rûsyayê bi Tirkiyeyê ve girêdide, bifroşe.

Li Fransayê, TotalEnergîes ragihand ku ew ê êdî sermayê ji projeyên nû yên li Rûsyayê nerazîne.

Şîrketa Apple’ê jî ragihand ku firotina hemû berhemên xwe yên li Rûsyayê rawestandiye.

Yekîtiya Ewropayê heft bankên Rûsî ji pergala darayî ya navneteweyî ya Swîft derxist.

Li gorî biryarê ku roja Çarşemê di Rojnameya Fermî ya Yekîtiya Ewropayê de hate weşandin, du saziyên darayî yên mezin ên ku ji nêz ve bi sektora hîdrokarbonê ve girêdayî ne, bêpar dihêle.

Di nav heft saziyên armanckirî de, duyemîn banka herî mezin a Rûsyayê VTB jî cih digire.