Li Brîtanyayê beriya Brexîtê hilbijartina pêşwext pêk tê
Li Brîtanyayê têkoşîna Brexîtê bi wergirtina biryara hilbijartina pêşwext derbasî qonaxeke nû bû.
Li Brîtanyayê têkoşîna Brexîtê bi wergirtina biryara hilbijartina pêşwext derbasî qonaxeke nû bû.
Li Brîtanya Mezin rewşa nediyar a pêvajoya Brexîtê didome. Daxwaza Serokwezîr Borîs Johson a ji bo pêkhatina hilbijartina pêşwext ku çend roj berê hate redkirin vê carê li Kamara Avamê hate pejirandin.
Di rûniştina Kamara Avamê de nîqaşên tund di navbera alîgir û dijberê Brexîtê hate kirin. Di encame de biryar hate wergirtin ku hilbijartina pêşwext di 12’ê Kanûnê de bê kirin.
Di dengdanê de Partiya Karker li ber rabû, lê Demokratên Lîberal û Partiya Neteweyî ya Skoç dengê ‘erê’ da pêkhatina hilbijartina pêşwext.
Li gorî anketan Partiya Mûxafazakaran a bi lîderiya Serokwezîr Borîs Johson bi 10-15 pûanan li pêşiya Partiya Karkere. Lê belê di piraniya hilbijartinên Brîtanyayê de encam berevajî texmîna anketane.