Polîsên leşkerî ku alîkariyê bi asayîşa li eyaletan dikin, roja Çarşemê serî hildan. Serhildana polîsên leşkerî dewam dike. Serokdewletê rastgirê tund Jaîr Bolsonaro leşker û polîs şandibû herêmê.

Li gorî agahiyên dawî ji ber raperîna li eyaleta Cearayê di nava 5 rojan de herî kêm1 47 kes hatin kuştin. Ev jî tê wateya zêdebûna bi 5 qatî ji bûyerên kuştinê.

Li gorî agahiyên di medyayê de nêzî 200 polîsên leşkerî yên tevlî raperînê bûn ji wezîfeyê hatin dûrxistin û 37 jî hatin girtin.

WEZÎRÊ ÇEPGIR Ê BERÊ BI ÇEKÊ BIRÎNDAR KIRIN

Polîsên leşkerî yên êriş birin ser gelek qereqolên polîsan li gelek cihan bend danîn û gule berdan kesên hewl didin ji bendê derbas bibin. Li gorî agahiyan, ji senatorên çepa navendî Cîd Gomes ê ku li bajarê Sobralê hewl da bi greyderê bendan ji holê rake bi çekê hate birîndarkirin.

Gomes di rêveberiya Dîlma Roûsseff a navbera salên 2011 û2 016'an de Wezîrê Perwerdeyê bû.