Berdevkê Wezareta Parastinê ya Rûsyayê Îgor Konaşenkov diyar kir ku leşkerên Rûsyayê vedigerin baregehên xwe yên leşkerî.

Konaşenkov got “Yekîneyên herêmên leşkerî yên Başûr û Rojava yên ku peywira xwe temam kirin, îro wê vegerin garnîzonên xwe.”

Ev daxuyanî wekî sînyaleke nermbûna aloziya bi welatên rojava re hate nirxandin.

Sûcdariya welatên rojava ev e ku Rûsya ji bo dagirkeriya Ûkraynayê amadekariyan dike. Rayedarên DYE jî di rojên dawîn de diyar dikirin dibe ku operasyona dagirker dest pê bike. Rûsya jî îddîayên dagirkeriyê qebûl nedikir û dixwest were diyarkirin wê Ûkrayna tevî NATO’yê nebe. Welatên rojava heta niha ev daxwaz red dikirin.

Beriya muzakereya di navbera Serokê Dewletê yê Rûsyayê Vladîmîr Pûtîn û Serokwezîrê Elmanyayê Olaf Schûlz ev vekişandin pêk hat. Beriya Schûlz hefteya borî Serokkomarê Fransayê Emmanûel Macron çûbû Moskovayê.