Doza KCK'ê ku 97 jê girtî 175 siyasetmedarên kurd tên darizandin li 6'emîn Dadgeha Cezayên Giran a Amedê hat ditin. Dozger der barê 4 girtiyên siyasî de daxwaza berdanê kir. Lê heyeta dadgehê biryara navberê da û der barê hemû girtiyan de dîsa biryara berdewama girtinê da û doz taloq kir.

16'emîn civîna 59'emîn rûniştina doza KCK'ê ya Amedê ku 97 jê girtî 175 siyasetmedarên kurd 4 salin tên darizandin li 6'emîn Dadgeha Cezayên Giran a Amedê hat dîtin. Girtî di bin dorpêça polîs û leşkeran de derxistin salonê. Di rûniştina îro de Parlamentera BDP'ê ya Şirnexê Selma Irmak Rojnameger Tayip Temel, Şaredarê Êlihê Necdet Atalay, Şaredara Dêrikê Çaglar Demirel û Şaredarê Cizîrê Aydın Budak jî di navde 46 jê girtî 6 serbest bi tevahî 51 kes amade bûn.

Di rûniştina ku delîlên der barê Cîgirê Şaredarê Qoserê û endamê komîsyona Rêveberiya Herêmî û Ekolojîk Selanik Oner de hatin xwendin. Dozger di rûniştinê de xwestibû siyasetmedar Besime Gonca, Esma Guler, Dilayet Taşdemir û Leyla Deniz serbest bên berdan. Lê heyeta dadgehê ev daxwaza dozger red kir û der barê hemû girtiyan de dîsa biryara berdewama girtiyan da. Heyetê rûniştina dozê taloqî 13'ê Çileya 2014'an kir.