Li paytexta Federasyona Rûsyayê Moskowayê, lîstika "Bêrû" ya Teatra Jiyana Nû hate nîşandan. Lîstik li Mala Hunerê ya Lunaçerski hate lîstin û Kurdistaniyan bi baldarî lê temaşe kirin.

Lîstika komî ya ku bi Kurdî hate lîstin û ji 2 perdeyan pêk tê, derhêneriya wê Nazmî Karaman, wergera wê jî Dilawer Zeraq kiriye. Di lîstikê de Omer Şahîn, Rûgeş Kirici, Sakîne Jîr, Cîhad Ekîncî û Nazmî Karaman cih girtin.

Lîstik ji ber çîrokeke rastî ya Dario Fo ve hatiye amadekirin û qala mekanîzmaya navbera dewlet, sermaye û gel dike.