Li Wanê, li avahiya HDP’ê ji bo 21’ê Sibatê Rojava Zimanê Zikmakî daxuyaniyeke çapemeniyê hate dayin. Di civînê Rêveberên HDP, DBP’ê û yên Kurdî-Derê, şaredar û gel hazir bûn.

 ‘ZIMANÊ ZIKMAKÎ KESAYATIYÊ DIDE MIROV’

Daxuyaniya çapemeniyê Rêveberê Kurdî-Derê Hamdûllah Kumlî da, ku Kurdî-Der bi biryarnameyan hatibûn girtin. Kumlî got ziman hîmê civakîbûnê ye. Kumlî diyar kir ji bo parastina mîrateya çandî ya mirovahiyê û pira di navbera çandan de navbeykareke girîng e û got, ‘’Zimanê zikmakî kesayatiyê bi mirov re çêdike. Ev rastiyeke însanî, felsefî, rewa û hiqûqî ye. Zimanê zikmakî nasnameya civakê ye.’’

 ‘DIVÊ BI AZADÎ GEŞ BIBE’

Kumlî got divê hemû astengiyên li ber zimên werin rakirin û geşbûna bi azadî ya zimanan divê ji hêla qanûnan ve werin mîsogerkirin. Kumlî got, ‘’Divê hemû astenegiyên li pêş zimanê zikmakî werin rakirin da ku pê siyaset, huner, bazirganî û hwd. werin kirin.’’