Hunermendên Êzidî yên li her çar parçeyên Kurdistanê, Şengal û Kafkasyayê tevlî kongreyê bûn.

Hunermendan di kongreya xwe de şoreşa Rojava silav kirin û banga yekîtiya gelê Kurd kirin. Di kongreyê de berdevkê NCÊ Hozan Xemdar axivî û got ku “Divê em hunermend rola xwe bi cih bînin. Ne bi tenê di muzîkê de, divê di warê sînema û şanoyê de jî xizmeta gelê xwe bikin.”

Hozan Xemdar di axaftina xwe de bal kişand ser êrîşên li ser Rojava û diyar kir ku ev dûmahîka berdewama komploya navneteweyî ye.

Di kongreyê de rapora xebatan a salekê hate xwendin û li ser wê nîqaş hate kirin.

Di kongreyê de koordînasyonek hate hilbijartin a ku 10 kes tê de cih digirin. Ev koordînasyona wê li herêma Bîelefeld, Wesel, Bremen, Hannover, Celle, Gîesen û Emerîckê komîsyonan ava bike.