Yekîneyên Parastina Gel- YPG têkildarî êrîşên artêşa Tirk û çeteyên bi ser wê ve yên bi ser Rojava de daxuyaniyeke nivîskî da.

YPG’ê bi bîlançoya 5 rojan derbarê êrîşên artêşa Tirk de agahî dan. Ji bîlançoya 5 rojan diyar dibe ku artêşa Tirk di vê dema dawî de êrîşên xwe bi taybetî dibe ser Efrînê.

Daxuyaniya YPG’ê ya têkildarî êrîşên artêşa Tirk û çeteyên bi ser ve yên bi ser Rojava de wiha ye:

‘’26.06.2017’an çeteyên girêdayî artêşa Tirk bi roketên B7 û çekên doçka êrişî Girê Qestelê û gundê Maranazê yên girêdayî navçeya Efrîn Şera, Girê Şehît Şîlan, Girê Barîn û Girê Baz yên girêdayî navçeya Efrîn Cindirêsê û bi topên hawanê jî êrişî gundê Basûfanê yên navçeya Efrîn Şêrewa kirin.

27.06.2017’an çeteyên girêdayî artêşa Tirk bi topên hawanê û çekên doçka êrişî Haciza Hedamat, gundên Eyn Deqnê, Minix, Malikiyê, El Qamiyê û Maranez yên girêdayî navçeya Efrîn Şera û gundê Basûfanê yê girêdayî navçeya Efrîn Şêrewa kirin.

28.06.2017’an  çeteyên girêdayî artêşa Tirk bi topên hawanê û çekên doçka êrişî gundê Basûfanê û Bircikê Silêman yên girêdayî navçeya Efrîn Şêrewa û Girê Baz û Girê Barîn yên girêdayî navçeya Efrîn Cindirêsê kirin.

29.06.2017’an saet di navbera 11:00-12:00an de çeteyên girêdayî artêşa Tirk bi topên hawanê êrişî gundê Bircikê Silêman yê girêdayî navçeya Efrîn Şêrewa û bi çekên doçka û BKC êrişî Maranazê yê girêdayî navçeya Efrîn Şera kirin. Her wiha di heman rojê de saet 18:00’an de bi topên hawanê êrişî gundê Bircikê Silêman yê girêdayî navçeya Efrîn Şêrewa kirin.

Di dîroka 30.06.2017an saet 04:00an de çeteyên girêdayî artêşa Tirk bi topên hawanê êrişî gundê Bircikê Silêman yê girêdayî navçeya Efrîn Şêrewa û saet 06:00an de bi çekên doçka êrişî gundê Zuweyr û Geliyê Zîn yên girêdayî navçeya Efrîn Cindirêsê kirin. Her wiha di heman rojê de artêşa Tirk bi gulleyên tangê û topên hawanê êrişî Pira Heşarkê ya navçeya Efrîn Raco kirin.’’