Yekîtiya Ragihandina Azad (YRA) êrîşa ku têde 11 sivîl şehîd û 8 jê zarok bi giştî 74 kes têde birîndar bû şermezar kir, nûçegihanê ANHA’yê Seed Ehemd  û Mihemed Hise Reşo ê şehîd bûbû bibîr anî.

Daxuyaniya Yekîtiya Ragihandina Azad wiha ye:

"Karwanê destekdayîna mirovahiyê ya sivîlan, ku ji herêmên Cizîrê ber bi bajarê Serêkaniyê ve diçû, ji aliyê artêşa Tirk ve duh êvarê hate hedefkirin û di encamê de rojnamevan bûn qurbanî.

Di encama topbaranê de nûçegihanê ajansa HAWAR`ê Saed Ehmed û Mihemed Hise Reşo şehîd bû.

Rojnamevanên birîndar ev in:

Nûçegihanê ANHA`yê Mihemd Ekincî

Nûçegihanê ANF’ê Ersîn Çaksu

Nûçegihana Stêrk TV’yê Emel Yunis

Nûçegihanê North Pressê Dilsoz Dildar

Nûçegihan Yildiz û Rojbîn Ekîn

Rojemevan Abdreşîd Mihemed Mihemd

Nûçegihanê Rûdawê Huner Ehmed

Heta niha nehatiye diyarkirin bê ka rojnemevanên biyanî şehîd bûne yan na.

Em Yekîtiya Ragihandina Azad, sersaxiyê ji hemû heval û malbata hevrêyên xwe Seed Ehmed û Mihemed Hise Reşo re dixwazin, soza şopandina rêya heqîqetê didin û şîfaya xêrê ya lezgîn ji birîdarên hevalên xwe re dixwazin.

Em di dawiyê de êrîşên dewleta hov şermezar dikin û civaka navdewletî, çapemenî, dezgehên çapemeniyê berpirsyariya ku îro dewleta Tirk derheqê sivîl û rojnamevanan de pêk tîne, dibînin.”