Xwendekarên Efrînî ku ji ber dagirkeriya dewleta Tirk ji neçarî koçî Şehbayê kirin, li kampa berxwedanê der barê êrîşên dagirkeriyê yên dewleta Tirk ên li dijî Bakur û Rojhilatê Sûriyeyê daxuyaniyek ji raya giştî re ragihandin.

Di daxuyaniyê ev tişt hate gotin;

"Bi dûberekirina hovîtî, êrîşên dewleta Tirk û çeteyên wê a li ser bakur û rojhilatê Sûriyê em weke xwendekarên kampan li Şehbayê van êrîşan bi tundî şermezar dikin. Dewleta Tirk bi hinceta ku wê aramiyê pêk bîne dixwaze xaka me dagir bike û komkujiyan bike. Lê belê ev hemû planin û dixwazin li ser sînorê Bakurê Kurdistanê guhertina demografiyê bikin û li şûna Kurdan dixwaze neteweyên cuda bi cih bikin û aramiya herêmê têk bibin. Her wiha dixwaze gelê Kurd li her deverê tune bike û careke din komkujiyên Efrînê li bakur û rojhilatê  Sûriyê dûbere bike.

Dewleta Tirk ji xwîna zarokên Kurd tê nerbûye û dixwaze projeyên li ser Efrînê pêk anî li Bakur û Rojhilatê Sûriyeyê jî bimeşîne. Çawa di dîroka gelê Kurd de her tim talankirin û komkujî çêbûye, dixwaza dîsa ew dîroka bi êş dûbare bike.

Em bêdengiya dewletên navneteweyî û saziyên mafên mirovan şermezar dikin û piştgiriya hêzên QSD, YPG, YPJ'ê dikin. Em dibêjin; xwendekarên Efrînê her tim amade ne li dijî êrîşên dijmin bibin bersiv. Ti carî em bêdeg namînin û dijmin nikare vîna me bişikîne. Ji ber ku vîna me vîna gelê berxwedêr e. Heta şoreşgerek li ser xaka me hebe em ê şer bikin ji bo mafê xwe."