Navenda Ragihandinê ya Hêzên Sûriyeya Demokratîk (QSD) ragihand ku hêzên taybet operasyoneke ewlehiyê li bakurê Reqayê li dar xistiye û di encamê de serçeteyekê DAÎŞ’ê girtiye.

Di daxuyaniyê de hat bibîrxistin ku piştî dayîna ser şopa serçeteyekê DAÎŞ’ê, bi piştgiriya hewayî ya Hêzên Koalîsyona Navneteweyî operasyonek li gundikê Hittîn ê bakurê Reqayê li dar xistiye û di encamê de serçeteyê ku berê “Mîrê Beyt El Mal” bû û xebatên malî yên DAÎŞ’ê li Dêrazorê bi rê ve biriye, hatiye girtin.

Navendê diyar kir ku QSD’ê û koalîsyonê sala 2019’an ketiye hewila girtina heman serçeteyî ku li Dêrazorê bigirin, lê reviyaye.

Navendê da zanîn ku hêzê di operasyona serdegirtinê de serçete girtiye û dest daye ser belgeyên pê re.