Ji şeva din ta vê kêliyê di navbera şervanên QSD û çeteyên DAIŞ`ê li 7 taxên bajarê Reqayê, şerê giran di qewime. Di vê çarçoveyê de, şervanan 70 ji 100’î ya taxa Hîşam Ebdullmelik ku li aliyê başûr ê bajar dikeve, ji çeteyan rizgar kirin. Her wiha şervanan, gelek noqte li taxa El-Diriyê û Kevin a Reqayê, rizgar kirin.

Bi pêşveçûyîna şervanan li taxa Hîşam Ebdullmelik de, xeta parastinê ya duyemîn a çeteyên DAIŞ`ê li taxê hate şikandin û çete her ku diçin tengav dibin û nikarin serwerî li navenda bajar bikin.

Ji aliyekî din ve jî, di encama şerên dijwar li taxa El-Diriyê, Yermûk, El-Nehda, El-Berîd, Hîşam Ebdullmelik, El-Rewda û Reqa Kevin, gelek çete hatin kuştin, lê hejmara wan nehate zanîn. Her wiha operasyonên paqijkirinê li eniyên baş ên rizgarkirî didomin. Di encamê de, şervanên QSD`ê gelek cebilxane di nava çekên artêşa Tirk de jî hebûn, desteser kirin.

Ji aliyekî din ve jî, tîmên taybet ên QSD`ê gelek gund û mezraa li bejahiya bakur-rojhilat ji bermahiyên çeteyan paqij kirin. Her wiha şervanan gelek cebilxane û mayînên ku bi dest hatine çêkirin, desteser kirin.