Li Amûdê bi sedan kes, MeclÎsa Malbatên Şehîdan, Kongra Star û endamên PYD’ê ji bo sersaxiyê ji malbata Şehîd Qehreman re bixwazin, çûn serdana konê sersaxiyê ku li gundê Pêtinê hat danîn.

Endamê Meclisa Malbatên Şehîdan a Amûdê Ebdulbaqî Elî Dawûd ku bi kurtî axivî, gotina “Berxwedan jiyan e“ ya Mazlûm Dogan ku kadroyekê pêşeng ê Tevgera Azadiya Kurdistanê ye, bi bîr xist.

Elî Dawûd destnîşan kir ku şehîd, li gor fikir û felsefeya Rêberê Gelê Kurd Abdullah Ocalan, ji bo jiyaneke azad û bi wekhevî canê xwe feda dikin.

‘EM Ê XETA BERXWEDANÊ GEŞ BIKIN’

Berxwedan Amûdê ku fermandarekê Meclîsa Leşkerî ya Amûdê ye, got: “Hevrêyê me Qehreman, li dijî çeteyên DAÎŞ’ê bi qehremanî şer kir û tev li gelek pêngavên azadiyê bû. Em ê heta bi dawiyê di rêya Şehîd Qehreman de bimeşin û çeka wî li erdê nehêlin.“

Adil Mele Emîn ku li ser navê Partiya Yekitiya Demokratîk (PYD) axivî, sersaxî ji malbata şehîd re xwest û wiha got: “Adar, meha berxwedan û têkoşînê ye, meha Mazlûm Dogan e. Ji bo bibin layiqê têkoşîna şehîdan, em ê bi rêça wan a berxwedanê de biçin.“

Xizmê Şehîd Qehreman Hejar See Îbrahîm jî got ku ew ê çeka Qehreman li erdê nehêle.

Serdana ji bo konê sersaxiyê, bi berzkirina tilîlî û dirûşmeyan bi dawî bû.