Fermandariya Biryargeha Navenda Parastina Gel (NPG) bîlançoya sala 2024’an weşand. Çalakiyên şehîd Rojhat û şehîd Erdal ên ku di sala 2023’yan de textê dijmin hejandin û hêzên HPG û YJA Starê yên ku dagirkeriya li Herêmên Parastinê yên Medyayê bi pêngavên şoreşgerî paqij kirin, bi îdîa û motîvasyoneke serketinê ya mezin ketin sala 2024’an. Gerîlayên azadiyê diyar kirin ku her tim di navenda têkoşîna wan de, azadiya fîzîkî ya Rêber Apo heye û di sala 2024’an de bi têkoşîna xwe dijmin ber bi xwe ve kişandin. Di nava deh salên dawî de, tevî sûcên qirêj ku dijmin di çarçoveya konsepta îmhayê de dimeşîne, gerîlayên azadiyê di sala 2024’an de tecrubeya şer a deh salan bi performanseke bilind raber kir. Hêzên HPG û YJA Starê ji demsal ber bi demsalê ve derketinên taktîkî pêk anîn, li dijî dijminê dagirker bûn kelheke xurt û ji wê jî wêdetir, pişta dijmin şikandin.

HÊZÊN HPG Û YJA STARÊ DERKETINÊN TAKTÎKÎ PÊK ANÎN

Pêngavên şoreşgerî yên ku di mehên dawî yên sala 2023’yan de destpê kirin û di mehên bihara sala 2024’an de bi hemû heybeta xwe dewam kirin, performansa lêdanê ya gerîla, qabîliyeta wê ya tolhildanê û biryardariya wê ya berxwedanê bi rengekî şênber nîşan da. Ev pêngav heta kêliyên şer hatin qeydkirin û rastiya şerê li Kurdistanê hate parvekirin. Vê yekê di gel û raya giştî de bandoreke mezin afirand. Bi mizgîniya di Newrozê de hatî dayîn re, SÎHA’yên dewleta Tirk hatin xistin û vê yekê moral û bawerî da gelê Kurd û rejîma faşîst a li Tirkiyeyê jî ber bi tirseke cidî ve bir. Gerîla derfetên herî biçûk veguherand derfetên herî mezin û parastina rewa ya Kurdistanê bi rengekî xurt domand û di sala 2024’an de gihişte lûtkeyê. Gotina Rêber Apo ya “Teknîka herî mezin mirov e” baweriya dijmin a ji teknîkê re hejand. Agirê Newrozê bi mizgîniya gerîla re gur bû û rûyê zarokên Kurdistanê kenand.

PERFORMANSA HAVÎNÊ YA GERÎLA: BERXWEDAN Û DERKETINÊN EFSANEWÎ

Bi mehên Havînê re, berxwedan û performanseke çalakiyan a ji Bakur heta Başûr li hemû qadên gerîla bû yek dil, derket holê. Li Bakurê Kurdistanê berxwedaneke efsanewî ya ku derewên dewleta Tirk a faşîst deşîfre dike, bû yek ji bûyerên herî balkêş a salê. Bi pêşengiya şehîd Edessa Cejna, şehîd Bêrîtan Nurhaq Çiya, şehîd Şêxmûs Malazgirt, şehîd Berwar û şehîd Mehmet Cûdî ji Dersimê heta Botanê, ji Mêrdînê heta Serhedê berxwedaneke gerîla ya bêhempa hate raberkirin. Dewleta Tirk a faşîst îdîa dikir ku li Bakur gerîla nemane, lê belê di sala 2024’an de li Bakurê Kurdistanê neçar ma ku zêdeyî hezar operasyonan lidar bixe. Fermandarên pêşeng û gerîlayên ciwan ên ku salên xwe dayîne têkoşînê, li Bakur bi îradeyeke ji pola berxwedan raber kirin. Vê berxwedanê pêşengî ji têkoşîna gel re kir.

LI HERÊMÊN PARASTINÊ YÊN MEDYAYÊ HAVÎNEKE DÎROKÎ

Derketineke din a taktîkî ya ku di mehên Havînê de bal kişand, li Herêmên Parastinê yên Medyayê pêk hat. Zap a ku 3 sal in bê navber li ber xwe dide, di sala 2024’an de weke seteke ku mirov nikare derbas bike, parastina xaka Kurdistanê domand. Gerîlayên Azadiya Kurdistanê bi pêşengiya şehîd Alan Milazgirt û şehîd Dr. Sara Tolhildan berxwedan domandin. Li taktîkên gerîla yên mîna sabotaj, sûîqest, xwe berdana nava çeperên dijmin û derb lêdanê, taktîkeke hewayî ya nû hate zêdekirin. Ku ev taktîka hewayî ji aliyê yekîneyên Şehîd Dogan Zinar û Şehîd Axîn Mûş ve hate pêşxistin. 99 çalakiyên hewayî yên di sala 2024’an de hatin pêkanîn, di kapasîteya parastina hewayî ya HPG û YJA-Starê de pêşketineke mezin danî holê.

PAYÎZ: ÇALAKIYA DÎROKÎ YA LI ENQEREYÊ

Çalakiya ku di mehên Payîzê de şopeke ku nayê jibîrkirin hişt, ji aliyê fedayî Asya Alî û fedayî Rojger Hêlîn ve li TUSAŞ a Enqereyê pêk hat. Di demeke ku di siyaseta Tirk de tevilhevî hebû de, vê çalakiyê profesyoneltiya Milîtaniya Apoyî û biryardariya wê car din nîşan da. Çalakî bi asteke kîlîtbûna li hedefê û bi rengekî profesyonel hate kirin, vê yekê kapasîteya gerîla nîşanî hemû cîhanê da.

SALA 2024’AN, JI BO SALA 2025’AN XETEKE ZELAL PÊŞKÊŞ DIKE

Di dema nêzbûna dawiya sala 2024’an de, ji çar aliyên Kurdistanê heta metropolên Tirkiyeyê gerîlayên azadiyê berxwedaneke girseyî raber kirin û ji bo têkoşîneke ku di sala 2025’an de bi serketinê encam bibe, bingehekî xurt ava kirin. Gerîlayên Azadiyê wê derketinên xwe yên taktîkî yên di sala 2024’an de pêk anî, di sala 2025’an de xurt bike û bi biryardariya encamkirina bi serketinê bidomîne.