Rayedarên Sûriyeyî ji ajansa nûçeyan a fermî ya Sûriyeyê Sanayê re axivîn û gotin, "Sûriye bi biryar e ku bi rêbazên rewa li dijî êrîşa Tirk raweste."

Çavkaniyên Wezareta Karên Derve ya Sûriyeyê nerazîbûn nîşanî liv û tevgera leşkerî ya Tirk a li sînor da.

Wezaretê diyar kir, "Ew gotinên tund ên rejîma Tirk, niyeta wan a êrîşkar û komkirina leşkerî li nêzî sînorê Sûriyeyê bi tundî şermezar dike."

Heman çavkanî di heman demê de diyar kir ku gefên Tirkiyeyê binpêkirina giran a qanûna navneteweyî û biryarên Konseya Ewlekariyê ya Neteweyên Yekbûyî ye.