Navenda Ragihandinê ya Hêzên Sûriya Demokratîk (QSD) bi daxuyaniyekê nasnameyên 2 şehîdan eşkere kirin. Di daxuyaniyê de hat diyarkirin ku şervan Cûdî Welat û Qehreman Qamişlo ji ber qezayekê di dema perwerdehiyê de şehîd bûne.

Daxuyanî wiha ye:

"Di dewreyeke perwerdehiyê ya hêzên me de; ji ber qezayekê 2 şervanên me gihîştin asta şehadetê; Mihemed Mahir Hemewî (Cûdî Welat) û Îmad Îbrahîm (Qehreman Qamişlo) ne.

Hevrêyê me Cûdî, di demeke zû de tev li hêzên me bû û di gelek cengên li dijî çeteyên DAÎŞ'ê de beşdar bû, wî berxwedaneke hêjayî gel û hêzên wî da meşandin û gihîşt astên giring di pêşengtiya hêzên me de, ew ji bo me nimûneya şervanê sozdar bû.

Hevrêyê me Qehreman jî xwedî moral bû, her tim ji bo hevrêyên xwe alîkar û piştgir bû, ji ber jîrbûna xwe ya di danîna plan û taktîkên leşkerî de, wî cihê xwe di astên pêş de girt û di karê xwe de serkeftî bû.

Em soz didin gelê xwe û malbatên şehîdan ku rêya şehîdan bişopînin û li têkoşîn û berxwedana xwe heta bidestxistina serkeftinê dewam bikin.“

Nasnameyên şehîdan wiha ne:

Nasnav: Cûdî Welat

Nav û paşnav: Mihemed Mahir Hemewî

Navê dayikê: Nejdiye

Navê bav: Ehmed

Cih û dîroka jidayikbûnê: Qamişlo, 1997

Cih û dîroka şehadetê: Hesekê, 4'ê Adara 2023’yan

Nasnav: Qehreman Qamişlo

Nav û paşnav: Îmad Îbrahîm

Navê dayikê: Xezal

Navê bav: Îbrahîm

Cih û dîroka jidayikbûnê: Qamişlo, 1995

Cih û dîroka şehadetê: Hesekê 4'ê Adara 2023’yan