Navenda Ragihandinê ya Hêzên Sûriya Demokkratîk (QSD) bi daxuyaniyeke nivîskî  nasnameyên 3 şervanên xwe yên ku di teqîna mayîna çeteyên DAIŞ’ê ya li Reqayê de şehîd bûbûn, eşkere kir.

QSD’ê di daxuyaniyê de ev agahî par ve kir;

“Şervanên QSD`ê û hêzên Ewlehiya Hundirîn aramî û ewlehiyê li bajarê Reqayê û gundewarên wê pêk tînin. Bi awayekî birêxistinkirî di gera xwe di nava bajar de didomînin û şaneyên razayî yên terorîstan diyar dikin. Tîmên bêbandorkirina mayinan jî mayinan radikin û li derveyî bajar û gundewarên wê bê bandor dikin.

Dema ku şervanên QSD`ê erka xwe ya leşkerî pêk dianî û li nava bajar gera xwe didomînin, mayinek ji bermahiyên çeteyên DAIŞ`ê teqiya û di encama wê de 3 şervanên me şehîd bûn.

Em  QSD sersaxiyê ji malbatên şehîdên xwe re dixwazin. Em soz didin ku em ê heta tunekirina terorê û alava kuştinê û heta pêkanîna  aramî û ewlehiyê ji hemû sivîlan re, şopdarên rêya şehîdan bin."

Li gorî daxuyaniya QSD’ê nasnameya şehîdan wiha ye;

Nav û Paşnav: Tamir El-Hesen

Navê Dayikê: Tadî

Navê Bav: Îbrahîm

Cih û Dema Şehadetê: Reqa /  8’ê Tîrmeha 2018’an

***

Nav û Paşnav: Hisên Mislih El-Îsa

Navê Dayikê: Şemsa

Navê Bav: Mislih

Cih û Dema Şehadetê: Reqa / 8’ê Tîrmeha 2018’an

***

Nav û Paşnav: Silêman Abdullah

Navê Dayikê: Foza

Navê Bav: Silêman

Cih û Dema Şehadetê: Reqa / 8’ê Tîrmeha 2018’an