Navenda Ragihandinê ya Hêzên Sûriyeya Demokratîk (QSD) bi daxuyaniyeke nivîskî bîlançoya şerê 24 saetên dawî ya Pêngava Bagera Cizîrê eşkere kir. QSD’ê diyar kir ku di şer de bi kêmanî 6 çete hatine kuştin, gelek çek û cebilxane hatine desteserkirin.

QSD’ê di daxuyanê de ev agahî parve kir;

ENIYA BAXOZ

Rêxistina terorîst a DAIŞ‘ê li eniya Baxozê bi çekên RPG, BKC, kalaşnîkov û sekvanan hewl dan êrîşî nuqteyên hêzên me bikin, hêzên me bersiv dan û hemû hewldan û êrîş têk birin.

Di şerê li vê eniyê de 6 terorîstên DAÎŞ‘ê hatin kuştin, 3 şervanên me birîndar bûn û gelek çekên terorîstan hatin desteserkirin.

Balefirên koalîsyonê li baregehên terorîstan dan. Di encamê de rêya di navbera gundê Murşidê û Sûsê de hate qutkirin, her wiha depoyeke cebilxane ya terorîstan hate teqandin.

Di encama teqîna mayînên ku terorîstan bi cih kiribûn şervanekî me şehîd ket û yek din jî birîndar bû.

BÎLANÇO

-6 terorîst hatin kuştin.

-Balefirên Koalîsyona li 6 cihan dan.

-Mayînek hate bê bandorkirin.

-Doçkayek, 2 kalaşnîkov, çekeke M16 û du telefonên bêtêll (Hytera) ketin destê şervanan.

-Depoyeke cebilxaneyê û 6 wesayîtên terorîstan hatin teqandin.

-Şervanekî me şehîd bû.