Navenda Ragihandinê ya Hêzên Sûriya Demokratîk (QSD) li ser malpera xwe ya fermî agahiyek parve kir ku endamên şaneyeke DAÎŞ’ê li Dêrazorê girtine.

Daxuyaniya QSD’ê wiha ye: “Di çarçoveya operasyonên hêzên me de Yekîneyên Antî Terorê (YAT) şemî anku 21`ê Çileyê operasyonek li rojhilatê Dêrazorê li dar xist.”

QSD’ê da zanîn ku operasyon bi beşdariya Hêzên Koalîsyona Navneteweyî li dijî şaneyeke DAÎŞ’ê li bajarokê El Şihîl ê rojhilatê Dêrazorê pêk hatiye ku piştgiriyê dide terorê, endaman tevlî şaneyê dike, piştgiriya meydanî û lojistîk ji şaneyên DAÎŞ’ê re pêşkêş dike.

QSD’ê destnîşan kir ku operasyon li ser du qonaxan hatiye kirin ku di encamê de berpirsê şaneyê û 2 endamên pê re hatin girtin.

Her wiha hat ragihandin ku YAT’ê dabenceyek, kilêşnîkovek û 4 telefon bi wan re bûn, desteser kirin.