Qetlîama li Dêra Zorê: Hejmara kuştî û birîndaran zêde bûn
Şevê din çeteyên DAIŞ’ê li ser rêya Xurafî ya di navbera Dêra Zor û Hesekê de qetlîamak pêk anîn. Hejmara kuştî û birîndarên qetlîamê her diçe zêdetir dibe.
Şevê di saet di 18.30′an çeteyên DAIŞ’ê bi du wesayîtên bombebarkirî êrîşî sivîlên ku li ser Xurafî ya dikeve di navbera Dêrazorê û Hesekê de kir. Di encama teqandina wesayîtên bombebarkirî de heta niha 14 kesan jiyana xwe ji dest dane û 73 sivîl jî birîndar bûne.
Li gorî agahiyên ji berpirsên nexweşxaneyê yên li Nexweşxaneya Wetanî ya bajarê Hesekê hate girtin, 73 kes birîndar bûne û piranî jin û zarok 14 kesan jî jiyana xwe ji dest dane.
Li aliyê din nasnameya 4 kesên ku di qetlîamê de jiyana xwe ji dest dane jî eşkere bû. Nasnameya qûrbaniyan wiha ne: Lara Ebûd Derwîş (24), Sûzan Ebûd Derwîş (22) û Silav Ebûd Derwîş (19) yên xwişkên hev û Mihemed Helûş Sedûn (45).”
Xebatkarên tenduristiyê destnîşankirin ku rewşa piraniya birîndaran baş e, rewşa hinek birîndaran giran in û di beşa lezgîn û bin çavdêriyê de ne.
Di teqîna duh de nûçegihana ANAH’yê Dilîşan Îbîş şehîd bibû, nûçegihan Rizgar Deniz û Hogir Mihemed jî birîndar bibûn.
Rizgar Deniz û Hogir Mihemed li nexweşxaneyê tên dermankirin.
