Wezareta Parastinê ya DYE’yê daxuyaniyeke nivîskî weşand û got ku “Heke operasyonek pêk were wê Pentagon piştgiriyê nede vê operasyonê, gavên yekalî ji bo Tirkiyeyê bi rîsk e û wê Tirkiye bibe berpirsê bi hezaran endamên DAÎŞ’ê.

Wezareta Parastinê –wekî Serok- ji Tirkiyeyê re bi eşkere got, em piştgiriyê nadin operasyona dewleta Tirk a li ser Sûriyeyê.  Hêzên çekdar ên DYE’yê wê piştgiriyê nedin operasyoneke bi vî rengî û wê tevlî nav vê operasyonê nebin.

Di hevdîtinên bi artêşa Tirk re, me her dem qala vî tiştî kir, pêkanîna ewlekariya li vê herêmê koordînasyon û hevkarî ye. Me ji Tirkiyeyê re qala hin rîskan kir. Ji bo ku em encamên van rîskan ên ku ew ê bibin sedema bêîstîkrariyê ragihînin Tirkiyeyê em ê bi NATO û hevkarên xwe yên koalîsyonê re bixebitin.”