Li taxa Nezlit Şihadê ku piraniya wê hatiye rizgarkirin, şervanên QSD′ê dest bi êrîşên li dijî çeteyên DAIŞ′ê kirin, di encamê de 8 çete hatin kuştin û cenazeyên çeteyan li kolan in. Şervan li gelek kolanên taxê bi pêş ve diçin.

Li taxa Hîşam Bin Ebdulmelik a dikeve başûrê bajêr jî, di encama xebatên paqijkirina derdora mizgefta El-Mene de 6 çete hatin kuştin. Her wiha tuneleke çeteyan jî hat dîtin.

Li taxa Deriyê ya dikeve rojavayê bajêr jî 3 çeteyên DAIŞ′ê bi sekvanên şervanan hatin kuştin. Di encama pevçûnên li taxa Nehda ku şervan nû derbasî wê bûne jî, 2 çete hatin kuştin.

Li bakur rojhilatê bajêr jî çeteyan hewl dan êrîşî noqteyên rizgarkirî yên li taxa Rewda bikin. Di encama vî şerî de yê ku li vir rû da, 6 çete hatin kuştin, cenazeyên wan li taxê ne û 3 çete jî birîndar bûn.

Her wiha di şerê li taxa Reqaya Berê ya rojhilatê bajêr qewimî de jî, yek jê sekvan 3 çete hatin kuştin. Li taxa Berîd a dikeve bakur rojavayê taxa Berîdê jî çeteyek hat kuştin.

Tîmên taybet ên girêdayî QSD′ê jî li noqteyên rizgarkirî mayînên çeteyên DAIŞ′ê rakirin û tunelên çeteyan dîtin.