Li taxa Nezlet Şehade ya li başûrê Reqayê, di navbera şervanên Hêzên Sûriyeya Demokratîk (QSD) û çeteyên DAIŞ'ê de şerê ku şevê din dest pê kirî heta îro berê sibehî dom kir. Çeteyan ji bo ku pêşî li şervanên QSD'ê yên li taxan bigirin bi 3 wesayit û 2 motosîkletên bombebarkirî êrîş bi ser mewziyan de birin.

Şervanên QSD'ê bersiv dan û êrîşên çeteyan şikandin. 3 jê di encama mayinên xwe yên ku danîbûn de bi tevahî 14 çete hatin kuştin.

Bi van êrîşên dawî re ji şevê din ve 6 caran bi wesayitên bombebarkirî êrîş hatin kirin. Ji şevê din ve di şer de 44 çete hatin kuştin ku di nav van de segvan û serçete jî hebûn.

Her wiha li taxa Reqaya Berê û taxa Berdî ya li rojavayê bakurê bajêr şer şevê din heta berê sibehê dewam kir. Der barê vî şerî de encam hê zelal nebûye.