Di roja dehan a Pêngava Fînalê ya Hêzên Sûriyeya Demokratîk (QSD) de ya ku li Dêra Zorê dabû destpêkirin dom dike, hat ragihandin ku 5 berpirsyarên payebilind ên DAIŞ’ê hatine girtin.
Berdevkê Koalîsyona Navneteweyî ya di Pêşengtiya DYA’yê de Riyan Dîllon, di daxuyaniya dayî de ragihand ku di encama operasyona QSD û artêşa Iraqê de 5 berpirsyarên bilind ên DAIŞ’ê bisaxî hatine girtine.
Hate diyarkirin ku çeteyên hatine girtin berpirsyarên Dêra Zorê ne, hate gotin ku 4 Iraqî û 1 jî Sûrî ye.
Dîllon destnîşan kir ku bi operasyoneke taybet a hêzên QSD’ê û artêşa Iraqê berpirsyarên çeteyan hatine girtin.
#Iraq captures 5 key Daesh leaders during #OperationRoundup. The arrest is a significant blow to Daesh & demonstrates close coordination between #ISF & #SDF in their fight to #defeatDaesh. @CJTFOIR is committed to lasting defeat of Daesh & setting conditions for stabilization.
— OIR Spokesman (@OIRSpox) May 10, 2018
Dîllon wiha got: “ Girtina wan tê wateya derbekî xurt li DAIŞ’ê hatiye dayîn û ev yek dide nîşanda ku koordînasyona têkoşîna li dijî DAIŞ’ê ya di navbera Hêzên QSD’ê û artêşa Iraqê de çiqas berfireh e.”
Pêngava Bagera Cizîrê 1’ê Gulanê destpê kiribû. Bi vê pêngavê hewl tê dayîn ku Rojhilatê Dêra Zorê û sînorê Iraqê bê paqijkirin. Şervanên QSD’ê ji 1’ê Gulanê ve 20 km bi pêş ve çûne.
