Mezlûm Ebdî li Dêrazorê efûya giştî ragihand
Fermandarê Giştî yê QSDˋê Mezlûm Ebdî li tevahî herêmên Dêrazorê efûya giştî ragihand û bang li her kesî kir ku li dijî êrîşan rabin.
Fermandarê Giştî yê Hêzên Sûriya Demokratîk (QSD) li ser Xˋê got: "Bi pêşdeçûna hêzên me li Dêrazorê ji bo ewlekariya herêmê, em bêyî cudahî, li wan tevahî herêman efûya giştî radigihînin."
Ebdî bang li hemû welatiyan kir ku berevaniya ewlehî û aştiyê bikin û wiha domand: "Em pişta xwe didin rola xelkê û eşîran ku pêşiya aloziyê bigirin û herêmê biparêzin. Hêzên me li pişta we ne."
