Şaneyên veşartî yên DAÎŞ’ê roja 23’ê Kanûnê êrîşî avahiya Miduryeta Bazriganiyê ya girêdayî Komîteya Aborî ya Tebqayê kirin û di êrîşê de nobedarên avahiyê Osman Hebeş û Xalid El-Ehmed şehîd bûbûn. Cenazeyê şehîdan bi merasîmekê hate veşartin.

Gel cenazeyê şehîdan ji Nexweşxaneya Wetanî girtin û bi karwaneke wesayîtan ber bi Goristana Tebqayê ve ketin rê. Li goristanê merasîmeke leşkerî hate lidarxistin. Piştre Rêvebera Meclîsa Malbatên Şehîdan a Tebqayê Emîne Ebdulrezaq, Hevserkoê Komîteya Aborî Ehmed Silêman û Hevserokê Meclîsa Sivîl a Tebqayê Elûş El-Ebid axivîn.

Di axaftinan de hate gotin ku êrîşên li herêmê berxwedana gel bihêztir dike û wê xeta berxwedanê ya şehîdan were şopandin. Piştre nasnameya şehîdan hate xwendin û radestî malbatan hate kirin.

Girseya gel cenazeyê şehîdan bi dirûşme û tilîliyan li goristanê veşartin.