Li sûrên Reqa yên dîrokî di navbera şervanên QSD'ê û çeteyên DAIŞ'ê de şerê dijwar diqewime. Şervanên QSD'ê di operasyoneke taybet ya li taxa Sina a rojhilatê Reqayê de bi dehan sivîl rizgar kirin.
Piştî şerê li Taxa El Meşleb a dikeve rojhilatê Reqayê, li derdora sûrên dîrokî li 4 noqteyan di navbera şervanên QSD'ê û çeteyên DAIŞ'ê de şerê dijwar diqewime.
Şerê ku di seat 14:30'an de destpêkirî, bi hemû dijwariya xwe didome.
Li aliyê din şervanên QSD'ê bi operasyoneke taybet a ku li Taxa Sina a rojhilatê Reqayê dabûn destpêkirin de bi dehan sivîl ji destê çeteyan hatin rizgarkirin.
Sivîlên ku dibin ewlehiya şervanên QSD'ê de hatîn rizgarkirin, ber bi Kampa Penaberan a Eyn Îsa ve ketine rê.
