Merasîma îlana tugaya leşkerî bi tevlîbûna dehan kesî li bendava Rojhilat hate lidarxistin. Di merasîmê de Hevserokatiya Meclîsa Zagonsaz a Minbicê Nezîfa Xelo û Farûq El-Maşî, Hevseroka Meclîsa Rêveber Zeyneb Qenber û bi dehan Fermandarên Meclîsa Leşkerî ya Minbicê amade bûn.

Tugaya leşkerî ji 5 tabûran pêk tê û hejmara wê 250 şervan in. Şervanan 45 rojan di dewreyeke perwerdeyê ya bîrdozî û leşkerî re derbas bûn.

Merasîma îlana tugayê bi deqeyek rêzgirtina leşkerî ve destpê kir. Piştre Fermandarê Meclîsa Leşkerî ya Minbicê Cemîl Mezlûm axivî û li ser navê Fermandariya QSD′ê ya Meclîsa Leşkerî ya Minbicê 1’emîn tugaya leşkerî ya Minbicê ya bi navê Tugaya Ednan Ebû Emced ragihand.

Mezlûm avakirina tugayê pîroz kir û diyar kir ku bi avakirina sîstemeke xurt a leşkerî ku di aliyên bîrdozî, siyasî û leşkerî de amade be kêliyên dîrokî têne jiyîn.

Mezlûm serkeftin ji şervanên mewzûn bûn re xwest. Piştre şervanan soza parastina bajarê Minbicê û şopandina rêya şehîdan dan.

Merasîm bi gerandina govendê ve bi dawî bû.

Fermandarê Meclîsa Leşkerî ya Minbicê Ednan Ebû Emced 29′ê Tebaxê di Pêngava Rizgarkirina Reqayê de şehîd bibû.