Bi sedan welatiyên bajarê Minbicê cenazeyên 6 şervanên Meclîsa Leşkerî ya Minbicê û Meclîsa Leşkerî ya Babê ku di Pêngava Rizgarkirina Reqayê de şehîd bibûn, li Goristana Şehîdan a Minbicê veşartin.
Bi sedan welatiyên Minbicê cenazeyên 4 şervanên Meclîsa Leşkerî ya Minbicê Ramî Qereh (Bin Ledin Şîmal), Samî Hisên, Umer El-Mela û Hisên El-Esaf û cenazeyên 2 şervanên Meclîsa Leşkerî ya Babê Fermandar Cume Qereh (Şiyar Qubasîn) û Remedan Hesen (Ebû Ela) ji nexweşxaneya Firat wergirtin û bi karwanekî berê xwe dan Goristana şehîdan a Minbicê.
Hevserokên Meclîsa Zagonsaz ên Minbicê Farûq Maşî û Nezîfe Xilo, Hevseroka Meclîsa Rêveber a Minbicê Zeyneb Qenber, Fermandarê Giştî yê Meclîsa Leşkerî ya Minbicê Mihemed Ebû Adil û Fermandarê Meclîsa Leşkerî ya Babê Cemal Ebû Cuma tevlî merasîma veşartina cangoriyên azadiyê bûn.
Li goristanê merasîm bi deqeyek rêzgirtina leşkerî ve destpê kirin. Piştre jî Endamê Saziya Malbatên Şehîdan Kefa Elî axivî û diyar kir ku şehadeta van şervanan ji bo gelê Minbicê serbilindiyeke.
Cemal Ebû Cuma yê hemû şehîdên azadiyê bibîr anîn wiha got: “Herêmên ne di bin parastina QSD, Meclîsa Leşkerî ya Minbicê û Babê, têne wêrankirin û talankirin”.
Cîgirê Hevserokatiy Meclîsa Zagonsaz a Minbicê Ebd Star Şîkaxî jî axivî û banga xwedîkertina li nirxên şehîdan kir.
Piştî axafitinan, Endama Meclîsa Malbatên Şehîdan Fatime Diba nasnameyên şehîdan xwend û radestî malbatên wan kir.
Cenazeyên şehîdan bi dûrişmeyên “Şehîd Namirin” ve hatin veşatin.
