Endamên Tevgera Ciwanên Şoreşger û Yekîtiya Jinên Ciwan li Minbicê meşa meşaleyî li dar xistin. Meş ji Çerxerêya Mîzan heta bi navenda ciwanan a li naverasta bajêr ve dest pê kir. Di meşê de wêneyên Rêberê Gelê Kurd Abdullah Ocalan û pankartên "Dem dema azadiya Rêber Apo ye" û "Werin cenga azadiyê" hatin hildan.

Li ber navendê, endamê Tevgera Ciwanên Şoreşger a Minbicê Salih Cefal axivî û wiha got: "Em bi tundî hemû komployên li dijî hevrêyên me yên HPG′ê ku tê de çekên pêşketî û çekên kîmyewî yên qedexekirî tên bikaranîn şermezar dikin."

Cefal bang li tevahî gelên azad kir ku li dijî vê komploya li ser Abdullah Ocalan û li dijî bikaranîna çekên kîmyewî rabin.

Salih Cefal di dawiyê de wiha got: "Em soz didin Rêber Ocalan ku têkoşîna xwe heta rizgarkirina tevahî gelên bindest û şkandina dîwarên Îmraliyê bilind bikin û wê li ser şopên şehîdên azad bin."

Meş bi berzkirina dirûşmeyên "Bijî berxwedana Rêber Ocalan", "Bijî berxwedana gerîla" û "Bijî berxwedana gelên azad" bi dawî bû.