Şêniyên bajarê Hesekê li pêşiya Meclîsa Malbatên Şehîdan kom bûn, cenazeyê şervanê Hêzên Xweparastinê Riyad Îsa wergirtin û ber bi Goristana Şehîd Dijwar a li gundê Dawidiyê ve ketin rê.

Li goristanê merasîm bi deqeyek rêzgirtina leşkerî ya ji aliyê şervanên YPG/YPJ′ê û Hêzên Xweparastinê hate lidarxistin ve destpê kir. Piştre Endamê Meclîsa Malbatên Şehîdan Selma Qasim axivî, sersaxî ji malbata şehîd re xwest û wiha got: ″Şehîdên me wateya azadiyê nas kirin û rêya hevalên xwe şopandin. Bi fedekariya xwe rêya azadiya gelê xwe ronî kirn″.

Fermandarê Hêzên Xweparastinê Selman Îbrahîm jî sersaxî ji malbata şehîd re xwest û serkeftinên ku li Rojava bi xwîna şehîdan hatine bidestxistin, pîroz kir. Îbrahîm soza şopandina rçya şehîdan û rizgarkirina gelê Rojava-Bakurê Sûriyeyê da.

Her wiha Endamê Meclîsa Oldaran Mele Reşîd jî anî ziman ku bi saya fedekariya cangoriyên azadiyê aşitî û jiyana hevbeş hat avakirin û wiha anî ziman: ″Axa welatê me bi xwîna şehîdan hatiye avdan. Ev yek nîşaneya biratiya gelan a di navbera gelên herêmê de ye.

Di dawiya merasîmê de nasnameya têkoşer hat xwendin, radestî malbata wî hat kirin û cenazeyê wî di nava tîlîliyên dayîkan û dirûşmeyên ″Şehîd namirin″ de hate spartina axê.