Li Dêrikê dagirkeriya Tirk hate şermezarkirin
Êrîşên dagirker û dagirkeriya Tirk li Dêrikê ji hêla gel ve hate şermezarkirin.
Êrîşên dagirker û dagirkeriya Tirk li Dêrikê ji hêla gel ve hate şermezarkirin.
Dagirkerî û êrîşên dagirkeriya Tirk, sûcên dagirkeriya Tirk a li dijî mirovahiyê û sûcên şer ên li Bakur-Rojhilatê Sûriyê têne şermezarkirn.
Van rojên dawî hema hema li her bajarî çalakiyên protestoyî hatin kirin. Sêşemê jî li navçeya Dêrikê bi sedan kes derketin kuçeyan. Çalakî li herêma Koçerat û Beravê pêk hat û gelek kes hazir bûn.
Girse li Meydana Azadî li hev kom bû û ji kuçeyên sereke heta bi Meydana Dêra Mardodo ve meşiya.
Di meşê de bi dirûşmeyan hate gotin, ''Ji dagirkeriya Tirk re na'', ''Ji guherîna demografîk re ya li Serêkaniyê û Girê Spî re na!''
Hevserokê Rêveberiya Dêrikê yê PYD'ê Mihemed Evdirrehman li mîtînga li Meydana Dêra Mardodo axivî û got, ''Pêvajoya ku em tê re derbas dibin ji bo parastina destkeftiyên şoreş û azadiyê pêvajoyeke dîrokî ye.''
Evdirerehman got,''Dewleta Tirk a dagirker gelek herêmên Bakur û Rojhilatê Sûriyê dagir kir, demografî guherand, çete û malbatên wan bi cih kirin. Hovîtî anîn ser gelê herêmê. Li dijî jin û zarokan sûcên giran hatin kirin.''