Serdanên hecê îsal di nava germa zêde de pêk hat
Li Erebistana Siûdî bi milyonan misilman roja destpêkê ya Cejna Qurbanê ku yek ji cejnên herî girîng ên Îslamê ye, 'keviravêtina li şeytên' pêk anîn ku rîtuela herî mezin a dawî ya îbadeta hecê ye.
Zêdeyî 1,6 milyon hecên li Geliyê Mîna yê li nêzî Mekkeyê li hev civiyan, serê sibehê kevir avêtin stûnên beton ku 'temsîla şeytên' dikirin.
Îbadeta hecê îsal di nava germeke zêde de pêk hat. Rayedaran diyar kirin ku ji sedî 83 ê namzetên hecî yên 1.301 kesên ji ber germa 51.8 pileyî jiyana xwe ji dest dan, ew kesên bêdestûr bûn. Îsal ji bo kêmkirina rîskên ji ber germê tedbîr hatin zêdekirin.
Roja Pêncşemê namzetên hecî li Çiyayê Arafatê dia kirin ku yek ji rawestgehên herî girîng ên îbadeta hecê ye. Li gel ku rayedaran danê nîvro hişyarî dan jî gelek kesan li gel germa ji 45 pileyî hilkişiyan çiyê.
Di sala 2015'an de li Mînayê di îzdihamê de 2.300 kesî jiyana xwe ji dest dabûn. Îsal ji bo heman karesat rû nede tedbîrên ewlekariyê hatin zêdekirin.
