Navenda Ragihandinê ya QSD’ê der barê êrişa çeteyên DAIŞ’ê de daxuyaniyek weşand.

Navendê ragihand ku çeteyên DAIŞ’ê îro li bajarokê Behra yê li rojhilatê Dêrazorê êrişî nuqteyeke hêzên leşkerî kir û ev agahî parve kirin: "Êriş nîvro hat kirin. Di navbera şervanan û çeteyan de şer derket. Di şer de 2 şervan şehîd bûn. Çete bi motorsîklêtekê reviyan."

Di daxuyaniyê de hate diyarkirin ku ji ber tevliheviya ku li gelemperiya Sûriyeyê serwer e, DAIŞ’ê êrişên xwe li ser Bakur û Rojhilatê Sûriyeyê zêdetir kirine.

QSD’ê diyar kir ku wê têkoşîna li dijî şaneyên DAIŞ’ê berdewam bike ta ku werin qedandin û ewlehiya herêmê were mîsogerkirin.