Cenazeyê şervanê Hêzên Erka Xweparastinê yê Ehmed Abdullah ê li bajarê Qamişloyê û endamê Hêzên Asayîşa Amûdê Yasir Ebdî yên 13‘ê Îlonê dema li ser karê xwe bûn şehîd bibûn, ji avahiya Meclîsa Malbatên Şehîdan hate wergirtin û ber bi Goristana Şehîd Îsmaîl ve ketin rê.

Li goristanê merasîm bi deqeyeke rêzgirtinê ve destpê kir. Piştre jî li ser navê Meclîsa Malbatên Şehîdan a navçeya Amûdê Seyid Ferso axivî û got: "Em hemû cangoriyên azadiyê bibîr tînin û bejna xwe li hemberî wan ditewînin û ji malbatê re sersaxî dixwazin."

Fermandarê Hêzên Erka Xweparastinê Salim Îbrahîm jî ev tişt got: "Ehmed û Yasir evîndarê welatê xwe ne, ji ber vê yekê beşdarî şoreşê bûn û cihê xwe di qada leşkerî ya parastin welata de girtin.

Piştî axaftinan nasnameya şehîdan hate xwendin û radestê malbatên wan hatin kirin.

Cenazeyê şehîd Ehmed li goristana Şehîd Îsmaîl yê Yasir li gundê wî spartin axê.