Leşkerên artêşa Tirk a dagirker û çeteyên wê dema ku dikandarê bi navê Ednan Reşîd nehişt dikana wî talan bikin, ew şehîd kirin.

Çavkaniyên herêmî diyar kirin leşkerên artêşa Tirk a dagirker û çeteyê wê îro spedeyê hewl dan ku dikana welatiyê bi navê Ednan Reşîd talan bikin.

Dema ku Reşîd dît leşkerên artêşa Tirk a dagirker û çeteyên wê hewl didin dikana wî ya li navenda kantona Efrînê talan bikin, wî jî hewl da wan vegerîne.

Çavkaniyan destnîşan kir ku leşkerên Tirk û çeteyan gule berî wî dan û ew şehîd kirin.

Dewleta Tirk a dagirker 18`ê Adara 2018`an kantona Efrînê dagir kiribû û ji wê demê ve rojane li kantona Efrînê bûyerên kuştin, tecawiz û revandinê pêk tên.