Li gorî nûçeya ANHA’yê ya ku dispêre çavkaniyeke ji herêma Îdlibê, konvoyeke ku ji leşkerên Îranê pêk tê, ji derdora Hema û Îdlibê ber bi Dêra Zorê ve ketine rê.

Heman çavkaniyê ragihand ku konvoy ji 80 wesayîtan pêk tê û 400 personelên leşkerî li xwe digire.

Hate ragihandin ku hemwext rejîma Şamê û hêzên Îranê li rojvayê Firatê û li peravên Dêra Zorê bi cih bûne. Têkildarî vê tevgerê hê ti daxuyanî nehatine dayîn.

Balkêşe ev tevger piştî biyara rêveberiya Serok Dewletê DYA’yê Donald Trûmp a vekişandina leşkeran a ji Sûriyeyê hat û şûnde derket.