Di çarçoveya kampanyaya alîkarya mirovî ya ku ji aliyê Komeleya Mezopotamyayê ve bi hevkariya Desteya Karûbarên Civakî û Kar a Rêveberiya Xweseriya Demokratîk hate birêxistinkirin de, îro danê sibê karwaneke alîkariyên mirovî ji deriyê El Bûasî yê di navbera herêmên Rêveberiya Xweser û herêmên desthilata Şamê de, ber bi herêmên peravê ve bi rê ket.

Karwanê ku ji Qamişlo bi rê ket û ji Hesekê, Reqa û Tebqayê derbas bû, îro danê sibê bi rêya deriyê El Bûasî derbas bû. Ev karwana duyemîn e di ku di çarçoveya kampanyaya alîkariyên mirovî de ji bo herêmên beravê tê rêkirin.

Şêniyên kantona Reqayê jî li ber pira nû ya bakur pêşwaziya karwanê kir û hin alîkariyên mirovî pêşkêş kirin.

Karwanê ku ji hezar û 500 selikên xwarinê pêk tê li 2 kamyonan barkirî ye.