Li Kantona Efrînê deh hezar kes daketin kolanan li dijî dagirkeriya dewleta Tirk meşiyan, li dijî hêzên dagirker yekîtiya xwe îlan kirin.

Hezaran kesên ku li pêşiya avahiya Heyva Sor a Kurdistanê kom bûn, piştî li ser rêya giştî meşiyan û şûnde li Standa 19’ê Tîrmehê kombûn.

Mîtîng bi deqeyek rêzgirtinê ve destpê kir. Piştre jî endamê Komîteya Rêveberiya PYD’ê Emîne Osê axaftinek kir.

Endamê Meclîsa Zagonsaz a Kantona Efrînê Şerîf Cemo jî axivî û got: “Em weke Kurd û Ereb li dijî nîjatperestiyê têkoşînê dikin. Em ji çekên wan natirsin, ji ber ku vîna me ji çekên wan bi hêztire.”

Ji Fermandarên YPJ’ ê Fîdan Efrîn a ku destnîşan kir ku dewleta Tirk dixwaze dest dane ser tevaiya xaka Sûriyeyê û got: “Enceq bi berxwedana û xwîna şehîdên xwe em dikarin vê plana wan vala derbixin. Gel îro dîsa diyar kir ku bi vîna xwe di têkoşînê de bi israr e. Em wek YPG û YPJ’ê bi ti awayî gav şûnde navêjin.”

Herî dawî jî Endamê Rêveberiya Yekîtiya Ciwanên Rojava Botan Endomind jî axivî û wiha got: “Îro ji bo gelê herêmê rojekî dîrokî ye. Ji ber ku vî gelî planên dewleta Tirk a mêtînger vala derxist.”

 Piştî axaftinan meş bi dirûşman ve bidawî bû.