HRE’yê bi daxuyaniyekê ragihand ku şervanê wan 18’ê Cotmehê li navçeyên Şera û Şêrewa yên Efrînê li dijî leşkerên Tirk û çeteyên wê çalakiyên bi bandor kirine. HRE’yê diyar kir ku di çalakiyan de bi kêmanî 10 çete hatine kuştin.
Hêzên Rizgariya Efrînê (HRE) bi daxuyaniyekê ragihand ku çalakiyên hêzên wan ên li dijî leşkerên artêşa Tirk û çeteyên wê yên li Efrînê dewam dikin. HRE’yê ragihand di çalakiyên tolhildanê yên 18’ê Cotmehê li Efrînê hatin kirin de bi kêmanî 10 leşkerên Tirk û çeteyên wê hatine kuştin.
HRE’yê li ser çalakiyan ev agahî parve kir:
“Di çarçoveya rêzeçalakiyên tolhildanê yên hêzên me ya di dîroka 18’ê Cotmeha 2019 ku li navçeyên Şêrawa û Şera yê girêdayî Efrînê li hemberî artêşa Tirk a dagirker û çeteyên wê de hatiye lidar xistin de:
18’ê Cotmehê li gundên Meryemîn, Enabkê û Malikiyê yên girêdayî navçeya Şera hêzên me li dijî 2 baragehên artêşa Tirk a dagirker çalakiyên sabotajê lidar xistin. Di encamê de leşkerekî artêşa Tirk hate kuştin, 3 leşker birîndar bûn û 2 wesayîtênleşkerî hat derb kirin
Heman rojê li gundê Basûtê û Cebel Ehlam yê girêdayî navçeya Şêrawa hêzên me ji du baskan ve li dijî 2 bendên kontrolê ye girêdayî çeteyên artêşa Tirk a dagirker çalakiyên bi bandor lidar xistin. Di encamê çalakiyan de 9 çeteyên dagirker hatin kuştin, hejmarek birîndar bûn her wiha 2 wesayîtên leşkerî yên bi cûreya toyota û wesayîta sarinca mazotê hatin rûxandindin.
Herwiha piştî ku hêzên me li van herêman çalakiyan li ar xistin, artêşa dewleta Tirk a dagirker û çeteyên wê gundên Şewarixa û Malikiyê yê girêdayî Şera û gundên Soxanekê, Bênê her wiha Aqîbê bi dijwarî topbaran kirin û balafirên keşfê jî li ser van herêman digeriyan."
