Şervanên Hêzên Sûriyeya Demokratîk (QSD) ku li bejahiya Dêra Zorê ya li ser sînorê Sûriye-Iraqê ji nû ve dest bi Pêngava Bagera Cizîrê kirin her bi pêş ve diçin. Şervanên QSD'ê duh êvarê bi kîlometreyeke din nêzî Çemê Firatê bûn û mayinên çeteyan ên li herêmê bi cih kiribûn bê bandor kirin. Tenê 4 kîlometre man ku hêzên QSD'ê xwe bigihînin gundê Bakozê yê li qiraxa Çemê Firatê.

Pêngava Bagera Cizîrê ku ji ber êrîşên dewleta Tirk a dagirker ên li ser Efrînê hatibû rawestandin, roja 1'ê Gulanê ji nû ve dest pê kiribû. Di çarçoveya pêngavê de duh 2 wesayitên leşkerî yên çeteyên DAÎŞ'ê hatin rûxandin û herêmeke berfireh hate kontrolkirin.