Gelên li Serêkaniyê li hemberî gefên Serokkomarê Tirkiyeyê Tayyip Erdogan a li hemberî dagirkeriya Bakurê Sûriyeyê îro meşek li dar xistin.

Gelên Serêkaniyê û yên Zirganê bi alayên YPG/YPJ, QSD’ê , bi wêneyên Rêberê Gelê Kurd Abdullah Ocalan li pêşiya Mala Gel a Serêkaniyê li hev kom bûn. Di meşê de pankartên ‘Em êrîşên dagirker ên li hemberî Rojava şermezar dikin’ û ‘Gelê Kurd û gelên azadîxwaz ji dagirkeriya Erdogan re dibêjin na’ hatin vekirin.

‘EM JI ÊRÎŞAN RE AMADE NE’

Di meşê de Hevserokê Meclîsa Herêma Serêkaniyê Loqman Îso got: “Em tevî gelên xwe ji êrîşên Erdogan re amade ne. Em ê her dem li ber xwe bidin.”

Îso diyar kir ku bi gefan ew ê îradeya wan neyê şikandin û ew ê dev ji axa xwe bernedin.

Meş bi sloganên ‘Bijî berxwedana Rojava’ û ‘Dîsa dîsa berxwedan’ bi dawî bû.