Gelê Serêkaniyê li dijî gefên dewleta Tirk a dagirker vê sibê li Mala Gel li hev kom bûn û çalakiya mertalê zindî dan destpêkirin.

Gel bi pankartên “Bijî biratiya gelan”, “Na ji dagirkeriya Tirk re”, “Na ji terora Erdogan re” û “Na ji bêdengiya navnetewî ya li dijî komkujiyên sivîlan ên ji aliyê Erdogan û çeteyên wê ve têne kirin” ber bi sînor meşiyan.

Gel li sînor kon veda, wê nobetê bigire û çalakiya mertalê zindî bide destpêkirin.

KOBANÊ

Çalakiya nobetê didome ya ku li dijî gefên dagirkeriyê yên Serokkomarê Tirk Erdogan li dijî Bakur û Rojhilatê Sûriyeyê ku bi beşdarbûna sedan kesan hatibû destpêkirin. Rêveberiya Xweser a Herêma Firatê îro nobet dewr girt.

Hevserokê Meclîsa Rêveber a Herêma Firatê Enver Muslim li konê çalakiyê axivî û got; “Em li dijî gefên dagirkeriyê yên dewleta Tirk a dagirker di nobetê de ne. Em ji gefên wan natirsin. Projeya neteweya demokratîk ji bo gelên Rojhilata Navîn bûye mînak û bi yekîtiya gelan wê Sûriyeyeke demokratîk were avakirin.”