Girseya gel cenazeyê şervanê YPG’ê  Demhat Girziyaret ku di encama nexweşiyekê de şehîd bûbû, ji nexweşxaneya Şehîd Hogir a bajarê Dêrikê wergirtin û ber bi goristana Şehîd Xebat ve ketin rê.

 Li goristanê ji bo bîranîna şehîdên têkoşîna azadiyê deqîqeyekê rêz hat girtin û ji aliyê şervanan ve merasîmeke leşkerî hat li dar xistin. Piştre Fermandarê YPG′ê Hawar Dêrik axivî, berxwedana şervanên azadiyê li çeperên şer silav kir û soza şopandina rêya şehîdan  da.

Piştre Endamê Rêveberiya TEV-DEM′ê Seîd Sîpan axivî, da zanîn ku ku bedela azadiyê giran e û wiha got; “Gelên bindest li ser esasê felsefeya Rêbertiyê ji bo azadiya xwe têdikoşin.″ 

Piştî axaftinan nasnameya şehîd hat xwendin, radestî malbata wî hat kirin. Cenazeyê şervanê YPG’ê Demhat Girziyaret bi dirûşme û tilîliyên dayikan li Goristana Şehîd Xebat Dêrik hate veşartin.