Bi sedan şêniyên Efrînî bi diruşma "Bi ruhê pêngava 15'ê Tebaxê em ê Rêber APO azad bikin" ji bo bidawîkirina tecrîda li ser Rêberê Gelê Kurd Abdullah Ocalan meşek girseyî lidar xistin.

Di meşê de posterên Rêberê Gelê Kurd Abdullhah Ocalan û pankartên bi nivîsên ‘Hûn nikarin roja me tarî bikin’, ‘Em bêdengiya Dadgeha Mafên Mirovan a Ewropayê ya li hemberî tecrîda li Îmraliyê şermezar dikin’ û ‘Li hemberî rêberê mirovahiyê Abdullah Ocalan ka demokrasî û mirovahiya we?’ hatin vekirin û bê navber diruşmeyên silavkirina berxwedana Îmraliyê û Berxwedana Serdemê hatin berzkirin.

Meş ji pêşiya parka Rêbertî ya li gundê Til Sosînê yê Şehbayê rawestiya û ji bo bîranîna cangoriyên azadiyê deqeyeke rêz hate girtin.

‘BI AZADIYA RÊBER APO WÊ HEMÛ PIRSGIRÊKÊN ROJHILATA NAVÎN ÇARESER BIBIN’

Hevseroka Meclîsa Kantona Efrînê Zelûx Bekir axivî, bêdengiya Dadgeha Mafên Mirovan a Ewropayê ya li hemberî tecrîda li ser Rêberê Gelê Kurd Abdullah Ocalan şermezar kir.

Bekir anî ziman ku armanca tecrîdê têkbirina fikir û felsefeya Ocalan e û got: "Tevahî dewletên cîhanê dizanin ku bi azadkirina Rêber Apo wê hemû pirsgirêkên li Rojhilata Navîn çareser bibin."

Çalakî bi diruşemyên silavkirina berxwedana Ocalan û Berxwedana Serdemê bi dawî bû.